[Mohammedelzawawy]

الكل يعرف اني كنت من انشط المتابعين هنا

وكنت اكثرهم حضوراً في اغلب انشطة المجتمع

سواء في حضور اللعب Game together أو legion fridays

او اي نشاط اخر بالقروب

لكن بالفتره الأخيره مررت بظروف نفسيه اثرت علي

منها وفاة صديقي المقرب

ومش قادر اتخطي الأمر

وعلشان كده تركت اشياء كثيره

ومنها التواجد معكم

ياريت اللي عنده نصيحه او شيء يقولوا لي علشان اقدر اتخطي الأمر

او حتي دعوه

وشكرا لكم

[NermeenAbdelmoez1]

@Mohammedelzawawy اهلا محمد أخبار تزعل 💔 الله يرحمه يارب و يدخل الجنة ❤❤
الحياة بتمر و اكرام صديقك بالذكرى الطيبة و أنك تكمل كل أحلامكم اللى حلمتوها سوا و تدعيله دايما
دا قدره و قدرك تعيش فعيش عشان تحقق أهدافك و عيش عشان تخلى ذكراه الطيبة تدوم و عيش عشان تعمل أصدقاء تانيين و تشكر صديقك أنه علمك معنى الصداقة الحقيقية.
الموت مهما كان فهو قدر أتعلم تكون إنسان كويس زى ما أنت عشان دا اللى بيفضل و أوعى توقف حياتك لأى سبب أو تزعل على أى حاجه صدقنى . ان شاء الله كل أيامك تكون أجمل و تكون دى أخر الأحزان🥰❤

[AmrAli1]

ربنا يرحمه ويغفرله ويجعل مثواه الجنة 💔

مفيش كلام مني هيواسيك ومش هكدب عليك وهقولك هتتحسن مابين يوم وليلة .الموضوع هياخد وقت . ياما ناس هتروح وهنزعل عليهم منقدرش نعمل حاجة غير ندعي ليهم بالمغفرة ونتصدق ليهم ونعملهم حسنات جارية ونرضى بقضاء ربنا
ولازم تكمل حياتك اه شخصيتنا هتتغير ومش هنبقى زى الاول واكيد هيبقى فيه أثر يفضل الاثر ده انك تقرب من ربنا اكتر وتعرف اننا ممكن نختفي في اى لحظة
ده عمره المكتوب منقدرش نلوم ونزعل والله اعلم ممكن سبب وفاه صاحبك انه يبقى انذار ليك ان الدنيا فانية بس مهما كان البلاء من ربنا اعرف ان الحل مش تقول ليه يارب . عسى أن تكرهوا شيئا و هو خير لكم .

قَالَ رَسُولُ الله ﷺ: عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن: إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ. رواه مسلم.

[Lailasama]

الله يرحمه ويصبركم علي فراقه اتمني ترجع انشط من الاول💛

[Abdogamal]

الله يرحمه ويغفر له ويجعل مثواه الجنه

[hassnaashawqy]

انا لله وانا اليه راجعون ربنا يرحمه ويغفر له ويصبرك و يصبر اهله

[NermeenAbdelmoez1]

@AmrAli1 الحديث دا عظيم جدا . الحمد لله على كل حال

[Elzahraa]

@Mohammedelzawawy مؤلم جداً 💔
لكن في حالتك افتكر قول الله تعالى في كتابه الكريم حين قال : بسم الله الرحمن الرحيم ( كل نفسٍ ذائقةُ الموت ) وقال تعالى في سورة البقره : بسم الله الرحمن الرحيم ( الذين إذا أصابتهم مصيبةٌ قالوا إنا لله وإنا إليه راجعون ) . كل موت في الحياه الدنيا هو لتذكير الإنسان أن الحياة قصيره وفانيه وأننا مادمنا أحياء فعلينا بالصلاة والدعاء وانت عليك بإنك تدعي لصديقك بالمغفره وإن ربنا يرحمه ويسكنه الجنه !
وهقولك على حاجه هو فعلاً شئ مؤلم جداً إنك تفقد صديقك المقرب 💔 وانا مهقدرش أواسي مشاعرك بس إعلم إن صديقك إذا كان صالح فهو سيرته حيه بالخير عند الله وإذا سيرته خيرها متوسط ف إدعيله بالرحمه عسى الله يغفرله ويسكنه فسيح جناته وتكون معاه من أهل الجنه إن شاء الله رفقة النبي محمد صلى الله عليه وسلم !