[PrincessShahd]

لعبة Metal Gear بدأت بالصدفة وبقت واحدة من أهم ألعاب الفيديو، وبيمر 37 سنة على بداية السلسلة بشكلها الأول.
اللعبة دي كانت بتعتمد على منظور علوي وآليات لعب بسيطة تقوم على تجنب مجال رؤية الأعداء والتسلل من وراهم.
اللي يمكن مش الكل يعرفه هو إن اللعبة في الأصل بدأت كلعبة أكشن، وكان تكليف من كونامي لهيديو كوجيما، مصمم الألعاب الصغير وقتها (في 1983) اللي طُلب منه إنه يقدم لعبة أكشن مبنية على المعدات والأدوات والأجواء العسكرية والجاسوسية على منصة MXS2.

لكن، عيب التقنية في منصة MSX2 في الوقت ده كان السبب في إنه مش قادر يصمم المعارك زي ما كان عايز هيديو كوجيما، وبالتالي قرر إنه يخلي اللعبة تعتمد على تفادي الأعداء بدلاً من مواجهتهم، ومن هنا بدأت واحدة من أكثر الألعاب تأثيرًا في تاريخ الألعاب.


بشكل عام، كلمة Metal Gear تعني "الآلات المعدنية"، وهي اسم رمزي يشير للأسلحة الحديثة في النسخة البديلة للحرب الباردة بين الاتحاد السوفيتي وأمريكا في عالم اللعبة.
ولكن لمحبي اللعبة، الاسم كان مُطلق على واحد من الأسلحة المشهورة في اللعبة، وده كان محور اللعبة نفسه، سلاح وصفه أحد علماء الاتحاد السوفيتي في اللعبة بأنه "حلقة الوصل بين المدفعية والمشاة".

لكن في البداية، الاسم كان مجرد اسم يبدو رائع، وجاءت محاولة تبريره بعد كده مع تقدم السلسلة. كوجيما كمان قال إن إدارة كونامي ما كانتش متحمسة أبدًا لفكرة لعبة "من غير قتال مباشر مع الأعداء"، واللي كان الشكل السائد لألعاب الأكشن وقتها. لكن مع الوقت، وبعد إقناع الإدارة بمخططات تصميم المراحل والأفكار الجديدة، بدأوا يقتنعوا بالفكرة


كوجيما قال إن نيته كانت في البداية تقديم لعبة أكشن وتصويب من منظور ثنائي الأبعاد زي لعبة Contra، لكن اختار المنظور العلوي بعد كده لأنه كان عايز يوفر للاعبين منظور يتيح لهم تقييم المحيط ومراقبة حركة الأعداء، وده كان أساس اللعبة.
أهم ميزة لعب وقتها كانت تفادي مجال رؤية الأعداء، واللي اعتبره كوجيما استغلالاً متقدماً للذكاء الاصطناعي، حيث كان رصد الأعداء لشخصية البطل دقيق وسريع.


كوجيما كمان قال إن Metal Gear استلهمت عناصرها من أفلام أمريكية شهيرة زي The Great Escape وEscape from New York، وغلاف اللعبة كان مستوحى من فيلم Terminator. الغريب إن اللعبة استغرقت 19 سنة من تاريخ إصدارها الأول لحد ما تصدر خارج اليابان، وفي الوقت ده كان كوجيما بقى واحد من أشهر صناع الألعاب في اليابان وكونامي، وده ساهم في تطور السلسلة وتحولها لـ Metal Gear Solid، وهي سلسلة ألعاب تخفي ثلاثية الأبعاد بدأت على بلايستيشن بعد اتفاق بين كونامي وسوني.

النهاردة، وبعد مرور كل السنين دي، من الجميل إن اللاعبين لسه قادرين يلعبوا الألعاب الكلاسيكية دي من خلال إصدار Metal Gear Solid Master Collection V1، اللي بيجمع مجموعة كبيرة من إصدارات Metal Gear وMetal Gear Solid في لعبة واحدة.


بعد 37 سنة من بدء السلسلة، كوجيما بقى أيقونة في صناعة الألعاب ورجل بيجيب أفكار جديدة باستمرار. لكن، هل تتخيلوا لو إن إدارة كونامي ما اقتنعتش بفكرته وقررت تلغيها؟ التساؤل ده بيخليني أفكر، كم من كوجيما موجودين بينا وبيتم إلغاء ألعابهم بس لأن المديرين ما اقتنعوش بهم؟